इँट्टाभट्टाको पर्खालले च्यापिएर मजदुरको मृत्यु, एक गम्भीर घाइते

दाङ– तुलसीपुर उपमहानगरपालिका–१६ जहदागाउँस्थित सेवा इँट्टाभट्टाको पर्खाल भत्किँदा त्यसमा च्यापिएर आज एक जना मजदुरको मृत्यु भएको छ भने अर्का एक जना गम्भीर घाइते भएका छन्।

जिल्ला प्रहरी कार्यालयका प्रवक्ता प्रहरी नायब उपरीक्षक रेशम बोहराका अनुसार पर्खालले च्यापिएर भारतको बहराइच जिल्लाका ३० वर्षीय तीर्थराम पासवानको मृत्यु भएको हो। उनको घटनास्थलमै वा उपचारका क्रममा (प्रहरीको भनाइ अनुसार) मृत्यु भएको पुष्टि गरिएको छ।

सोही दुर्घटनामा परी बहराइचकै ३६ वर्षीय देशराज पासवान गम्भीर घाइते भएका छन्। दाङमा प्राथमिक उपचारपछि उनलाई थप उपचारका लागि कोहलपुर शिक्षण अस्पताल पठाइएको प्रहरीले जनाएको छ।