आईसीसी क्रिकेट विश्वकप लिग–२ : नेपालले आज अमेरिकासँग खेल्दै

काठमाडौँ– नेपालले आईसीसी क्रिकेट विश्वकप लिग–२ अन्तर्गत जारी त्रिकोणात्मक शृंखलामा आज अमेरिकासँग खेल्दैछ। खेल  त्रिवि क्रिकेट रंगशालामा, कीर्तिपुरमा ९:३० बजे शुरू हुनेछ।

त्रिकोणात्मक शृंखलामा नेपाल, स्कटल्यान्ड र अमेरिका सहभागी छन्। नेपाल पहिलो खेलमा स्कटल्यान्डसँग २ रनले पराजित भएको थियो। वर्षाले प्रभावित खेलमा डकवर्थ–लुइस पद्धतिका आधारमा नेपाल पराजित भएको थियो।

विश्वकप लिग–२ को अंक तालिकामा नेपाल सातौँ स्थानमा छ। नेपालले २५ खेलमा ८ जित र १५ हारसहित १८ अंक बनाएको छ। अमेरिका २५ खेलमा १८ जित र ७ हारसहित ३६ अंकका साथ दोस्रो स्थानमा छ भने स्कटल्यान्ड ३० खेलमा १६ जित र ८ हारसहित ३८ अंकका साथ पहिलो स्थानमा छ।