नेपाली महिला क्रिकेट टोलीले आज इन्डोनेसियासँग खेल्दै

काठमाडौँ– नेपाली महिला क्रिकेट टोलीले एसियन गेम्स महिला क्रिकेट छनोटअन्तर्गत आज इन्डोनेसियासँग खेल्दैछ। खेल मलेसियाको क्वालालम्पुरमा नेपाली समयअनुसार बिहान ११:४५ बजे शुरू हुनेछ।

नेपाल र इन्डोनेसिया समूह ‘बी’ मा रहेका छन्। नेपालले पहिलो खेलमा चीनलाई पराजित गर्दै विजयी शुरूआत गरेको थियो। इन्डोनेसिया भने आफ्नो पहिलो खेलमा पराजित भएको थियो।

समूह ‘बी’ को अंक तालिकामा नेपाल १ खेलबाट २ अंकसहित शीर्षस्थानमा छ। इन्डोनेसिया भने पहिलो खेल गुमाउँदै अंकविहीन छ।