क्वार्टरफाइनलमा नेपालले आज थाइल्यान्डसँग खेल्दै

काठमाडौँ– एसीसी महिला प्रिमियर कप क्रिकेट प्रतियोगिताअन्तर्गत नेपालले आज क्वार्टरफाइनलमा थाइल्यान्डसँग प्रतिस्पर्धा गर्दैछ। मलेसियाको क्वालालम्पुरमा हुने खेल नेपाली समयअनुसार बिहान ७:१५ बजे शुरू हुनेछ।

टस जितेको थाइल्यान्डले पहिले ब्याटिङ गर्ने निर्णय गरेको छ। 

नेपाल समूह ‘डी’ को उपविजेता बन्दै अन्तिम आठमा पुगेको हो। नेपालले समूह चरणमा कतार र भुटानलाई पराजित गरेको थियो भने हङकङसँग ६९ रनको हार बेहोरेको थियो। 

थाइल्यान्ड भने प्रतियोगिताको बलियो टोलीमध्ये एक मानिन्छ। थाइल्यान्ड समूह ‘ए’को बिजेता बन्दै क्वार्टरफाइनलमा पुगेको हो।